Porsche Car Accident Pune RTO : दोन पुणेकरांचा जीव घेणारी पोर्शे कार नोंदणीशिवायच रस्त्यावर

पुण्यात भरधाव वेगात गाडी चालवून दोघांचा जीव घेणाऱ्या मुलाचे वडील आणि बांधकाम व्यायवसायिक विशाल अगरवाल यांना पोलिसांनी छत्रपती संभाजीनगरमधून अटक केलीय. जी.एम प्लाझा लॉजिंग अँड रेस्टॉरंटमधून पुण्याचे उद्योजक विशाल अगरवाल यांना अटक करण्यात आलीये..विशाल अगरवालसह ड्रायव्हर आणि अन्य एक व्यक्तीलाही अटक करण्यात आलीये..अटक करण्यात आलेल्या ड्रायव्हरचं नाव चत्रभूज डोळस आहे तर दुसरा व्यक्ती राकेश पौडवाललाही अटक करण्यात आलीये..
कल्याणीनगरमध्ये घडलेल्या अपघातातील आलिशान पोर्शे कार विनानोंदणी रस्त्यावर धावत असल्याची धक्कादायक माहिती समोर आली आहे. बंगळुरुमध्ये तात्पुरती नोंदणी करुन ही कार पुण्यात आणली होती. त्यानंतर मार्चमध्ये या कारची नोंदणी करण्याची प्रक्रिया पुण्यातील आरटीओमध्ये करण्यात आली. परंतु, ती अद्याप पूर्ण झालेली नाही. त्यामुळे ही कार विनानोंदणी रस्त्यावर धावत असल्याचं उघडकीस आलं आहे.