Rohini Khadse MPSC Protest Pune: काळ्याकुट्ट भुवया घेऊन..अगं बाई तू ये..रोहिणी खडसेंनी तोफ डागली, VIDEO

Rohini Khadse MPSC Protest Pune: पुण्यात  रोहित पवार यांच्या नेतृत्वाखाली सुरू असलेल्या विद्यार्थ्यांच्या आंदोलनाला आज सातवा दिवस आहे. या आंदोलनकर्त्यांची प्रमुख मागणी आयोगाच्या अध्यक्षपदाचा राजीनामा देण्यात यावा, तसेच परीक्षा ऑब्जेक्टिव्ह पद्धतीने घेण्यात यावी, अशी आहे. काल शरद पवारांच्या राष्ट्रवादी काँग्रेसच्या नेत्या रोहिणी खडसे यांनी देखील एमपीएससीच्या आंदोलनाला भेट देत पाठिंबा दिला. यावेळी भाजपच्या आमदार चित्रा वाघ यांच्यावर रोहिणी खडसे यांनी हल्लाबोल केला. काळ्याकुट्ट भुवया घेऊन...अगं बाई तू ये..तू येच.., असं आव्हान रोहिणी खडसे यांनी चित्रा वाघ यांना दिलं.

आज विद्यार्थ्यांच्या सत्याग्रहाचा महत्वाचा दिवस- रोहित पवार

रोहित पवार यांच्या नेतृत्वाखाली एमपीएससीच्या  विद्यार्थ्यांचं पुण्यातील  एस. एम. जोशी पुलावर  आंदोलन सुरू आहे. आज या आंदोलनाचा सातवा दिवस आहे. आणि आज विद्यार्थ्यांच्या सत्याग्रहाचा महत्वाचा दिवस असेल असं सूचक ट्वीट  रोहित पवारांनी केलंय. त्यामुळे आज सकाळपासून एस. एम. जोशी पुलावर मोठ्या प्रमाणात पोलीस बंदोबस्त तैनात करण्यात आला आहे.त्यातच, न्यायालयाकडूनही पोलिसांना काही निर्देश देण्यात आले आहेत. या पार्श्वभूमीवर आता पोलीस पुढे नेमकी काय कारवाई करतात, हे पाहणं महत्त्वाचं ठरणार आहे.