लोकसंख्येनुसारच मिळायला हवं आरक्षण, निवडणूक काळात नितीशकुमारांचं आरक्षणावर मोठं वक्तव्य

बिहारमध्ये सत्ता टिकवण्याचं आव्हान ज्या नितीशकुमारांसमोर आहे ते आरक्षणाची फेरमांडणी करु इच्छितायत. देशातल्या आरक्षणव्यवस्थेबद्दल एक महत्वाचं आणि गंभीर विधान नितीशकुमार यांनी प्रचारसभेत केलं आहे. आरक्षण हे त्या त्या वर्गाच्या लोकसंख्येनुसारच मिळायला हवं असं नितीशकुमार बिहारमधल्या एका प्रचारसभेत म्हणाले आहेत. जनगणना हा विषय राज्याच्या हातात नाही, पण लोकसंख्येनुसार आरक्षण असायला हवं ही आपली इच्छा असल्याचं नितीशकुमार म्हणाले आहेत.