RSS च्या दसरा उत्सवाला सुरुवात, रेशीम बागेत स्वयंसेवकांचं पथसंचलन : ABP Majha

राष्ट्रीय स्वयंसेवक संघाचा पारंपरिक विजयादशमी सोहळा आज नागपूरच्या संघ मुख्यालयात सुरू आहे. रेशीमबाग परिसरातून संघाचं पथसंचलन पार पडलं. त्यानंतर सरसंघचालक डॉ. मोहन भागवत यांच्या हस्ते ध्वजारोहण आणि शस्त्रपूजन पार पडलं... विजयादशमी सोहळ्यात सरसंघचालकांच्या भाषणाची देशभरात उत्सुकता असते. यावर्षी सरसंघचालक डॉक्टर मोहन भागवत कोणतं दिशादर्शन करणार याची उत्सुकता आहे. संघाच्या ९७ वर्षांच्या इतिहासात यावर्षी प्रथमच दसरा उत्सवात प्रमुख पाहुण्या म्हणून महिलेला निमंत्रित केलं आहे. प्रसिद्ध गिर्यारोहक पद्मश्री संतोष यादव यावेळी संघाच्या दसरा उत्सवाच्या प्रमुख पाहुण्या आहेत. संघाच्या विजयादशमी सोहळ्याला केंद्रीय मंत्री नितीन गडकरी,  उपमुख्यमंत्री देवेंद्र फडणवीस, भाजप प्रदेशाध्यक्ष चंद्रशेखर बावनकुळे, शिंदे समर्थक खासदार कृपाल तुमाणे यांनीही हजेरी लावली.