Reshimbaug | भाजप आमदारांचं बौद्धिक; फडणवीस, विखे पाटलांसह आमदारांची हजेरी | ABP Mahja

विधीमंडळाच्या हिवाळी अधिवेशनासाठी नागपुरात असलेल्या भापजच्या दोन्ही सभागृहातील आमदारांचं आज रेशीमबाग येथील हेडगेवार स्मृती मंदिरात बौद्धिक झालं. आज पहिला दिवस असल्यानं वर्गात संघाशी संबंध नसणाऱ्य़ा नवनिर्वाचित आणि आयारामांची ओळख परेड झाल्याची माहिती मिळत आहे. या बौद्धिक वर्गाला विरोधी पक्षनेते देवेंद्र फडणवीस यांच्या नेतृत्वाखाली बहुतांश भाजप आमदारांनी उपस्थिती लावली. आजच्या बौद्धिक वर्गासाठी राधाकृष्ण विखे, गणेश नाईक, बबनराव पाचपुते, नितेश राणे, जयकुमार गोरे यांनी आवर्जून हजेरी लावली.