Devendra Fadnavis Meets Ashish Deshmukh : सावनेरमधून आशिष देशमुख यांना भाजपकडून उमेदवारी?

Devendra Fadnavis Meets Ashish Deshmukh : राज्याचे उपमुख्यमंत्री देवेंद्र फडणवीस (Devendra Fadnavis) हे निलंबित काँग्रेस नेते आशिष देशमुख (Ashish Deshmukh) यांच्या घरी गेले आहेत. देवेंद्र फडणवीस आज नागपूर (Nagpur News) जिल्ह्यातील हिंगणा आणि उमरेड तालुक्याच्या दौऱ्यावर आहेत. मात्र त्यापूर्वी ते देशमुखांच्या घरी पोहोचले आहेत. फडणवीस यांच्यासोबत भाजपचे प्रदेशाध्यक्ष चंद्रशेखर बावनकुळे (Chandrashekhar Bawankule) देखील आहेत. दरम्यान आशिष देशमुख यांना काँग्रेसमधून (Congress) निलंबित करण्यात आलं आहे. आता देवेंद्र फडणवीस हे आशिष देशमुख यांच्या भेटीसाठी पोहोचल्यानंतर देशमुख भाजपच्या वाटेवर आहेत का असाही प्रश्न उपस्थित होत आहे.