ST Bus : चाकरमान्यांसाठी आनंदाची बातमी! गौरी-गणपतीला कोकणात जाण्यासाठी एसटीचं आरक्षण सुरु

 गणेशोत्सव महिन्याभरावर आल्यानं मुंबईत नोकरी-धंद्यानिमित्त राहणाऱ्या कोकणवासियांना गणेशोत्सवाचे वेध लागले आहेत. यंदाच्या गौरी-गणपती उत्सवासाठी मुंबईकरांनी एसटीचं आरक्षण करण्यास सुरुवात केलेय.  आजवर ६१ बसगाड्यांची समूह नोंदणी झाली आहे. मुंबई, ठाणे व पालघर या तीनही विभागांतून कोकणासाठी जादा वाहतूक केली जाणार आहे. यात एकूण १,०४३ बसगाड्या सोडल्या जातील. आत्तापर्यंत १६७ बसगाड्यांचे पूर्ण आरक्षण झाले आहे.