Sanjay Raut ED Calendar : संजय राऊत महिनाभरात कुठे, काय आणि कधी बोलले?

Sanjay Raut Arrest  : शिवसेनेची तोफ, उद्धव ठाकरेंचे (Uddhav Thackeray) अत्यंत जवळचे आणि विश्वासू नेते अशी ओळख असलेले संजय राऊत (Sanjay Raut Case) यांना अखेर ईडीकडून अटक करण्यात आलं आहे. काल  दिवसभराच्या चौकशीनंतर संजय राऊत यांना ईडीकडून अटक करण्यात आली. संजय राऊत यांना आज सकाळी 9:30 वाजता जे जे हॉस्पिटलमध्ये मेडिकलसाठी घेऊन जाणार आहेत. सकाळी 11:30 वाजता संजय राऊत यांना कोर्टात हजर करण्यात येणार आहे. काल सकाळी सात वाजल्यापासून ईडीचं पथक संजय राऊतांच्या भांडुपमधील मैत्री बंगल्यात ठाण मांडून होतं. दिवसभर चौकशी केल्यानंतर राऊतांना रात्री उशिरा 11.38 वाजता अटक करण्यात आलं. संजय राऊत यांना ईडीनं अटक केल्यानंतर हा मुद्दा आज संसदेत गाजण्याची शक्यता आहे. कारण शिवसेनेच्या खासदार प्रियंका चतुर्वेदी यांनी आज राज्यसभेत या मुद्यावर स्थगन प्रस्तावाची नोटीस दिलीय. विरोधकांचा आवाज दाबण्यासाठी ईडी, सीबीआय, आयकर सारख्या यंत्रणांचा गैरवापर केला जात असल्याचं सांगत चतुर्वेदी यांनी राज्यसभेत स्थगन प्रस्तावाची नोटीस दिलीय.