Raj Thackeray MNS Thane : मशिदीवरील भोंग्यावरुन राजकारण तापलं असतांना आज राज ठाकरेंची ठाण्यात सभा

मनसे अध्यक्ष राज ठाकरे यांनी गुढीपाडवा मेळाव्यात मशिदीवरील भोंग्याबाबत घेतलेल्या भूमिकेचे राज्याच्या राजकारणावर उमटलेले पडसाद अजूनही विरलेले नाहीत. त्याच पार्श्वभूमीवर अवघ्या दहा दिवसांत राज ठाकरे यांची ठाण्यात आज दुसरी सभा होतेय. मनसेनं या सभेला उत्तर सभा असं म्हटलंय. या सभेचा दुसरा टीझर मनसेकडून सोशल मीडियावर शेअर करण्यात आला आहे. शिवसेनाप्रमुख बाळासाहेब ठाकरे यांच्या आवाजात हा टीझर जारी करण्यात आला आहे.