Mumbai Local | ट्रान्सहार्बर आणि मध्य रेल्वेवरील लोकल वाहतूक उशिराने | ABP Majha

एकीकडे पावसामुळे मुंबईकरांची दैना झाली असताना, लोकलची वाहतुकीचाही खोळंबा झाला. माटुंगा स्टेशनजवळ सिग्नल यंत्रणेतील बिघाडामुळे मध्य रेल्वेवरील वाहतूक 20 ते 25 मिनिटं उशिराने सुरु होती. बिघाड दुरुस्त झाला असला तरी अप आणि डाऊन मार्गावरील गाड्या उशिराने धावत आहेत. तर रबाळेजवळ तांत्रिक बिघाड झाल्यामुळे ट्रान्सहार्बर रेल्वेसेवा पूर्णपणे ठप्प झाली होती. त्यामुळे कामाला जाण्यासाठी निघालेल्या प्रवाशांचा मोठा खोळंबा होत आहे.