Mumbai Mankhurd Fire | आग आटोक्यात, मात्र कुलिंग प्रक्रिया सुरुच

Mumbai Mankhurd Fire : मानखुर्द येथील मंडाला परिसरात काल दुपारी भीषण आग लागली होती. या आगीत जीवितहानी झाली नसली तरी करोडो रुपयांचं नुकसान झालं आहे. यावेळी आग विझवताना एक अग्निशमन दलाचा जवान किरकोळ जखमी झाला आहे. दरम्यान आग पूर्णपणे विझली आहे.

दरम्यान या संपूर्ण प्रकरणी महापालिका विरुद्ध जिल्हाधिकारी कार्यालय यांच्यामध्ये शीत युद्ध पाहायला मिळत आहे. महापालिकेच्या म्हणण्यानुसार याठिकाणी जे अवैध धंदे आहेत या संपूर्ण भाग जिल्हाधिकारी कार्यालयाच्या अंतर्गत येतो. त्यामुळे याबाबतची माहिती आम्ही जिल्हाधिकारी कार्यालयाला सांगितली होती. परंतु त्यांनी याकडे दुर्लक्ष केल्यामुळे हा प्रकार घडला आहे. तर दुसरीकडे जिल्हाधिकारी कार्यालयाने आम्ही याठिकाणी कारवाई केली होती परंतु कारवाई नंतर पुन्हा एकदा याठिकाणी असणारे माफिया सक्रिय होतात असं उत्तर देण्यात आलं आहे.