कोरोनाच्या संकटात 170 कुटुंबांवर बेघर होण्याची वेळ, भिवंडीत अनधिकृत बांधकामावर MMRDA चा हातोडा

मुंबई : भिवंडीतील कशेळी या भागात असलेल्या पद्मावती इस्टेटच्या तब्बल नऊ अनधिकृत इमारतींवर एमएमआरडीए प्रशासनाकडून सोमवारी सकाळी कारवाई करण्यात आली. बांधकाम विकासक आणि जागा मालक यांच्यातील वाद थेट मुंबई उच्च न्यायालयात गेल्याने हे प्रकरण उजेडात आलं. उच्च न्यायालयाने या प्रकरणावर हे अनधिकृत बांधकाम तोडण्याचे निर्देश दिले. त्यानुसार हे बांधकाम तोडण्यात आले. तर दुसरीकडे एमएमआरडीएच्या अधिकाऱ्यांच्या हलगर्जीपणामुळेच या इमारतींवर कारवाई झाल्याचा तेथील रहिवाशांनी आरोप केला आहे.