Maharashtra Budget 2022 : राज्याच्या अर्थसंकल्पात आज कोणत्या नव्या घोषणा होणार? ABP Majha

अर्थखात्याची जबाबदारी सांभाळणारे उपमुख्यमंत्री अजित पवार आज राज्याचा अर्थसंकल्प सादर करणार आहेत. कोरोना निर्बंधांमुळे अडचणीत आलेली राज्याची अर्थव्यवस्था रुळावर येत असल्याचा निष्कर्ष आर्थिक पाहणी अहवालात नमूद करण्यात आला आहे. या पार्श्वभूमीवर अजित पवार आपल्या अर्थसंकल्पातून कोणत्या नव्या योजना जाहीर करणार याकडे जनतेचं लक्ष लागलं आहे.... शेतकऱ्यांना मदतीची मागणी, वीज तोडणीमुळे नाराज असलेले शेतकरी, रखडलेल्या योजना, एसटी कर्मचाऱ्यांचा संप, सरकारी कर्मचाऱ्यांची जुन्या पेन्शनची मागणी या आणि अशा आव्हानांच्या पार्श्वभूमीवर अजित पवार कोणत्या घोषणा करणार आणि काय दिलासा देणार याची उत्सुकता आहे. उदयोग, सिंचन, पायाभूत सुविधा यासाठी अर्थसंकल्पात काय तरतूद असणार याकडेही लक्ष लागलं आहे.