CCTV | मुंबईत पुन्हा एकदा बिबट्याची दहशत, बिबट्याचा कुत्र्यावर हल्ला, घटना सीसीटीव्हीत कैद | ABP Majha

मुंबईत पुन्हा एकदा बिबट्याची दहशत समोर आलीय. अंधेरी पूर्व इथल्या सीप्झ कंपनीच्या गेट क्र. एक इथं रस्त्याला लागून असलेल्या फुटपाथवर एका बिबट्याने कुत्र्यावर हल्ला केलाय. ही घटना सीसीटीव्हीत कैद झालीय. हा कुत्रा फुटपाथवर बसलेला असताना अचानक बिबट्या त्याचावर हल्ला करतो. कुत्रा त्याच्या तावडीतून सुटण्याचा प्रयत्न करत असल्याचं यांत पाहायला मिळतंय. मात्र काही क्षणात तिथं काही माणसं आल्याची चाहूल लागताच बिबट्या तिथून पळ काढतो. हा परिसर आरे कॉलनीला लागून असल्याने भक्ष्याच्या शोधात बिबट्या इथं आल्याची शक्यता वर्तवली जातेय. बिबट्याच्या अशाप्रकारे परिसरात वावर दिसल्याने नागरिकांमध्ये भीतीचं वातावरण निर्माण झालंय.