CNG and PNG Rate hike : महागाईची झळ, सहा आठवड्यात CNG-PNG तिसऱ्यांदा महागलं ABP Majha

CNG and PNG Rate hike : दिवसागणिक महागाईचा भडका उडताना दिसत आहे. पेट्रोल-डिझेलच्या किंमती गगनाला भिडल्या आहेत. आधीचं कोरोना (coronavirus) संकटानं हैराण असलेल्या सर्वसामान्य जनतेला महागाईची झळ बसत आहे. त्यातच आता महानगर गॅसनं सीएनजी आणि पीएनजीच्या दरात वाढ केली आहे. सहा आठवड्यात तिसऱ्यांदा वाढ झाली आहे. त्यामुळे सर्वसामान्यांच्या खिशाला चाप बसणार आहे. महानगर गॅसने (Mahanagar gas) मुंबईत सीएनजी प्रतिकिलो 3 रुपये 6 पैशांनी तर पीएनजी 2 रुपये 6 पैशांनी वाढवण्याचा निर्णय घेतला आहे. आजपासून ही दरवाढ लागू होणार आहे. 
(CNG and PNG prices again increased)

नव्या दरानुसार मुंबईत एक किलो सीएनजीसाठी 61 रुपये 50 पैसे तर एक किलो पीएनजीसाठी 36 रुपये 50 पैसे मोजावे लागणार आहेत. गेल्या दोन महिन्यातील सीएनजी आणि पीएनजीमधली ही तिसरी दरवाढ आहे. दररोजच्या भाववाढीमुळे देशातील महागाईचा उच्चांक दिसून येत आहे. सर्वच वस्तूंच्या किमतीत मोठी वाढ झाली आहे. घरगुती गॅस सिलेंडरही (gas cylinder) 900 रुपयांच्या पुढे गेलाय. तर पेट्रोलनं केव्हाच शंभरी पार केली आहे. (CNG and PNG Rate hike)