Tejas Thackeray | 'मातोश्री'चं टेन्शन वाढलं; तेजस ठाकरे यांच्या दोन सुरक्षा रक्षकांना कोरोनाची लागण

 देशासह राज्यातही कोरोनाचा वाढता प्रादुर्भाव पाहायला मिळत आहे. काही दिवसांपूर्वी मुख्यमंत्री उद्धव ठाकरे यांचे वांद्र्यातील कलानगरस्थित असलेल्या मातोश्री या खासगी निवासस्थानाबाहेर गेटवर सुरक्षा रक्षक म्हणून कार्यरत तीन पोलिसांना कोरोनाची बाधा झाल्याचे समोर आले होते. त्यानंतर कर्मचाऱ्यांची कोरोना चाचणी करत 14 दिवसासाठी क्वॉरंटाईन केले होते. आता पुन्हा एकदा मातोश्रीचं टेन्शन वाढलं असून मुख्यमंत्री उद्धव ठाकरे यांचे लहान चिरंजीव तेजस ठाकरे यांच्या दोन सुरक्षा रक्षकांना कोरोनाची लागण झाली आहे. तसेच तेजस ठाकरे यांच्या इतर सुरक्षा रक्षकांचीही तातडीनं कोरोना चाचणी करण्यात आली आहे.