Online Game : ऑनलाइन गेमचा चक्रव्यूह; गेमचा टास्क पूर्ण करण्याच्या नादात मुलानं दिला जीव

Online Game : ऑनलाइन गेमच्या चक्रव्यूहात अडकल्यामुळे मुंबईच्या तेरा वर्षीय मुलाने आत्महत्या केल्याचा धक्कादायक प्रकार समोर आला आहे. त्यामुळे ऑनलाईन शिक्षण घेत असताना मुलांकडे काटेकोरपणे लक्ष देण्याची गरज निर्माण झाली आहे. चेतन खानोलकर 13 फेब्रुवारीला संध्याकाळी आपल्या तीन वर्षाच्या लहान मुलीला घेऊन पत्नीसोबत फिरायला गेले होते. कारण घरी असलेल्या तेरा वर्षांच्या तीर्थेशला एकट्याने अभ्यास करता यावा. चेतन आपल्या दुचाकीवरून जात असताना सात वाजून 22 मिनिटांनी त्यांचा मोबाईल वाजला. मात्र दुचाकी चालवत असल्यामुळे त्यांनी तो कॉल उचलला नाही आणि तिथेच नियतीने त्यांचा घात केला.