Devendra Fadnavis : फडणवीसांच्या दिल्लीवारीआधी मुंबई सागर बंगल्यावर नेत्यांचे मनधरणीचे प्रयत्न

फडणवीसांच्या दिल्लीवारीआधी मुंबई सागर बंगल्यावर नेत्यांची उपस्थिती; फडणवीसांच्या मनधरणीचे नेत्यांचे प्रयत्न

देवेंद्र फडणवीस काय म्हणाले?

दरम्यान, काल (5 जून) फडणवीस यांनी पराभवाची जबाबदारी घेत बाजूला होण्याची विनंती केल्याने प्रदेश भाजपसह राज्य सरकारमध्येही खळबळ उडाली आहे. फडणवीस यांनी उपमुख्यमंत्रीपदाच्या जबाबदारीतून मुक्त करण्याची विनंती पक्षश्रेष्ठींना केली. दुसरीकडे, त्यांच्या भूमिकेला भाजप नेत्यांनी विरोध केला आहे. मुख्यमंत्री एकनाथ शिंदे यांनीही पराभवाची जबाबदारी सर्व घटक पक्षांची असल्याचे म्हटले आहे. निकालानंतर दुसऱ्या दिवशी फडणवीस यांच्यासह प्रदेशाध्यक्ष बावनकुळे, मुंबई भाजप अध्यक्ष आशीष शेलार आदी नेत्यांची बैठक झाली. यामध्ये मतदारसंघनिहाय आढावा घेण्यात आला. यानंतर घेतलेल्या पत्रकार परिषदेनंतर उपमुख्यमंत्रीपदाच्या जबाबदारीतून मुक्त होण्याचा विनंती त्यांनी केली. तसेच पक्षश्रेष्ठींची भेट घेऊन चर्चा करणार असून त्यांच्या सल्ल्यानुसार पुढील निर्णय घेईन, असे फडणवीस यांनी नमूद केले.  

दरम्यान, महायुतीची पिछेहाट कोणत्या मुद्यांवर झाली याबाबतही या बैठकीत चर्चा करण्यात आली. यामध्ये मराठा आरक्षण, धनगर आरक्षण, शेती प्रश्नांशी निगडीत फटका बसल्याचा सूर होता. त्यामुळे विधानसभेला सामोरे जाण्यासाठी अवघ्या काही दिवसांचा कालावधी असल्याने तयारी करण्यासाठी फडणवीस यांनी पदातून बाजूला होण्याची भूमिका घेतली आहे. दुसरीकडे, महाविकास आघाडीला राज्यात लोकसभेला दमदार यश मिळाल्याने चांगलाच आत्मविश्वास दुणावल आहे.