Rahul Shewale vs Aaditya Thackeray : राहुल शेवाळेंचं 'ते' वक्तव्य रेकॉर्डवरुन काढलं : Arvind sawant

दक्षिण मध्य मुंबईचे खासदार राहुल शेवाळे यांनी अभिनेता सुशांतसिंह राजपूतच्या मृत्यू प्रकरणात युवा सेनेचे अध्यक्ष आदित्य उद्धव ठाकरे यांच्यावर थेट आरोप केले नसले तरी त्यांच्याविषयी गंभीर प्रश्न उपस्थित केले आहेत. सुशांतसिंहची गर्लफ्रेंड रिया चक्रवर्तीच्या मोबाईलवर एयू या नावानं आलेले कॉल्स हे आदित्य उद्धव ठाकरे यांचे होते की, अनन्या उधास यांचे होते, असा प्रश्न खासदार शेवाळे यांनी लोकसभेतल्या भाषणादरम्यान उपस्थित केला. शिवसेनेत झालेल्या ऐतिहासिक बंडात खासदार राहुल शेवाळे यांनी मुख्यमंत्री एकनाथ शिंदे यांची साथ दिली. त्यामुळं सध्या ते शिंदे यांच्या बाळासाहेबांची शिवसेना या पक्षात आहेत. आपण आदित्य ठाकरे यांच्यावर कोणताही आरोप केला नसून, एयू म्हणजे नेमकं कोण एवढाच प्रश्न आपण विचारल्याचा दावा त्यांनी केला आहे. पण हा प्रश्न उपस्थित करण्यामागे राहुल शेवाळे यांचा नेमका हेतू काय होता, असा सवाल राजकीय वर्तुळात विचारण्यात येत आहे.  शिंदे गटाचे खासदार राहुल शेवाळेंनी आदित्य ठाकरेंवर गंभीर आरोप केलेत.. यावरुन ठाकरे गटाच्या नेत्यांनी शेवाळेंवर टीका केलीय.. पाहुयात.