Missing Woman Found | शिर्डीतून बेपत्ता झालेली इंदूरमधील महिला साडेतीन वर्षांनी सापडली!

शिर्डी/इंदूर : शिर्डीतून भाविक बेपत्ता होण्याचं प्रकरण ज्या महिलेमुळे ऐरणीवर आलं ती साडेतीन वर्षांनंतर सापडली आहे. इंदूर येथील दीप्ती सोनी शिर्डीतून बेपत्ता झाल्याप्रकरणी औरंगाबाद खंडपीठाने शिर्डी पोलीस आणि अहमदनगरच्या जिल्हा पोलीस अधीक्षकांनी केलेल्या तपासाबाबत नाराजी व्यक्त करत फटकारलं होतं. तसंच मानवी तस्करी अथवा अवयव चोरीचे रॅकेट कार्यरत आहे का, या दृष्टीने तपास करण्याचे निर्देश राज्याचे पोलीस महासंचालक सुबोधकुमार जयस्वाल यांना दिले होते. त्यानंतर आता दिप्ती सोनी सापडल्या आहेत.