Zero Hour : मनसे स्वबळावर विधानसभा लढणार! मतदार मनसेला संधी देणार?

लोकसभेपाठोपाठ आता राज्यात विधानसभा निवडणूक होणार आहे. अशात महायुती आणि महाविकास आघाडीतील घडामोडींकडे सर्वांचंच लक्ष आहे. लोकसभा निवडणुकीच्या आधी राज ठाकरे यांनी महायुतीसोबत जाण्याचं ठरवलं, अशातच आता आगामी विधानसभा निवडणुकीत राज ठाकरे यांची भूमिका काय असेल? याची चर्चा होत आहे. मुंबईत झालेल्या मनसेच्या मेळाव्यात राज ठाकरे यांनी यावर भाष्य केलं आहे. त्यांनी आजच्या भाषणातून आगामी निवडणुकीसाठीच्या मनसेच्या भूमिकेचा आराखडा मांडला आहे. महायुतीसोबत असणार की नाही याबाबत स्पष्ट भाष्य केलं नसलं तरी सव्वा २०० ते २५० जागा लढवणार असल्याचं राज ठाकरे म्हणालेत. त्यामुळे अप्रत्यक्षपणे हा स्वबळाचा नारा आहे का? अशी चर्चा राजकीय वर्तुळात होत आहे.