Vasant Chavan Death : नांदेडचे खासदार वसंत चव्हाण यांचं निधन; अशोक चव्हाणांची प्रतिक्रिया

नांदेडचे खासदर वसंत चव्हाण  यांचं निधन झालं आहे. गेल्या काही दिवसांपासून ते आजारी होते. त्यांच्यावर हैदराबादच्या किम्स हॉस्पिटलमध्ये उपचार सुरू होते. मध्यरात्री त्यांची तब्येत अचनाक बिघडली. त्यावेळी त्यांना तातडीनं रुग्णालयात दाखल करण्यात आलं. अखेर पहाटे ३ वाजता त्यांची प्राणज्योत मालवली. काही दिवसांपूर्वी वसंत चव्हाण यांना श्वास घेण्यास अडचण होत असल्याने त्यांना रुग्णालयात दाखल करण्यात आलं. त्यांना लो बीपीचाही त्रास होत होता. मध्येच त्यांना अस्वस्थ वाटू लागलं. त्यामुळे कुटुंबीयांनी त्यांना सुरुवातील नांदेड रुग्णालयात त्यांना दाखल केलं. काही काळ तिथे उपचार घेतल्यानंतर डॉक्टरांच्या सल्ल्यानं वसंत चव्हाणांना हैदराबादच्या रुग्णालयात उपचारासाठी हलवण्यात आलं. दरम्यान वसंत चव्हाण यांच्या जाण्याने निष्ठावंत कार्यकर्ता हरपल्याची भावना राजकीय वर्तुळातून व्यक्त केली जात आहे.