Anil Parab यांच्या भूमिकेनंतर आझाद मैदानातील ST कर्मचाऱ्यांची सामंजस्याची भूमिका ABP Majha

बडतर्फ केलेल्या एसटी कामगारांवरील कारवाई मागे घेतली जाणार नाही, असं परिवहन मंत्री अनिल परब यांनी काल विधान परिषदेत सांगितलं. एसटी संपावरील चर्चेत राष्ट्रवादीचे आमदार शशिकांत शिंदे यांनी बडतर्फ कामगारांना कामावर परत घेणार का असा प्रश्न विचारला होता. त्यावर कामावर परत आलेल्या कामगारांची निलंबनाची कारवाई मागे घेतली, पण बडतर्फ कामगारांवरील कारवाई मागे घेणार नाही, असं सांगितलं.

परिवहनमंत्री अनिल परब यांच्या विधानपरिषदेतील भूमिकेनंतर आझाद मैदानातील कर्मचाऱ्यांनी सामंजस्याची भूमिका घेतली. विलिनीकरणावर ठाम असलो तरी संपावर तोडगा काढण्यास तयार असल्याचे कर्मचाऱ्यांनी म्हटलंय. चर्चेतून प्रश्न मार्गी लावल्यास आंदोलन मागे घेण्याची भूमिका कर्मचाऱ्यांनी घेतलीय.