![metaverse](https://cdn.abplive.com/imagebank/metaverse-top.png)
Sahara : सहारा वाळवंटात बर्फवृष्टी, 40 वर्षांत तिसऱ्यांदा बर्फवृष्टी; तज्ज्ञांनी दिला धोक्याचा इशारा
जगातलं सगळ्यात उष्ण ठिकाण म्हणजे सहारा वाळवंट. पण, या वाळवंटात चक्क बर्फवृष्टी होईल, इतकं तापमान घसरलं आहे. यावर पर्यावरण तज्ज्ञांनी धोक्याचा इशारा दिला आहे. अशा प्रकारे उष्ण आणि कोरड्या प्रदेशात बर्फवृष्टी होणं हे फारसं चांगलं लक्षण नसल्याचं त्यांचं म्हणणं आहे.
जगातल्या सर्वाधिक उष्ण जागांपैकी सर्वात वरचा क्रमांक सहाराचा येतो. आफ्रिकेतील अकरा देशांमध्ये हे वाळवंट पसरलं आहे. याल अल्जेरिया, चाड, इजिप्त, लीबिया, माली, मॉरिटानिया, मोरक्को, नायजर, पश्चिम सहारा, सूदान आणि ट्युनिशिया या देशांमध्ये त्याचा विस्तार आहे. या वाळवंटात तयार होणाऱ्या वाळुच्या टेकड्या 180 मीटर इतक्या असू शकतात. या भागात पाण्याची भीषण टंचाई आहे. त्यामुळे अशा कोरड्या हवामानात बर्फ पडणं हे आश्चर्यकारक मानल जातं.
सहाराचं सर्वसाधारण तापमान हे 58 अंश सेल्सिअस असतं. पण, सध्या या प्रदेशात तापमान इतकं घसरलं आहे की, इथे बर्फ पडत आहे. हे जागतिक तापमान वाढीमुळे झालं आहे. गेल्या शतकभरात ग्लोबल वॉर्मिंगमुळे अनेक गंभीर दुष्परिणाम झाले आहेत. त्यात सहारा वाळवंट देखील आहे. गेल्या शतकभरात सहारा वाळवंटाचं क्षेत्रफळ 10 टक्क्यांनी विस्तारलं आहे. जर ते असंच वाढत राहिलं तर परिसरातील देशांमध्ये दुष्काळ पडेल.
जर्नल सायन्समध्ये प्रकाशित झालेल्या एका संशोधनानुसार, जागतिक तापमानवाढीमुळे अशा उष्ण ठिकाणी थंड वारे वाहणे, तापमान कमालीचे घटणे असे आश्चर्यकारक बदल पाहायला मिळत आहेत. तर वर्ल्ड इकॉनॉमिक फोरमअन्वये अशा प्रकारचे बदल रोखण्यासाठी ग्रीन हाऊस गॅसचं उत्सर्जन कमी करणं अत्यावश्यक आहे.
![ABP Majha Marathi News Headlines 05 PM TOP Headlines 05 PM 24 June 2024](https://feeds.abplive.com/onecms/images/uploaded-images/2024/06/24/9ca605853d2abd7132a3bcf32569209d1719233785575976_original.jpg?impolicy=abp_cdn&imwidth=470)
![Raj Thackeray MNS Meeting : विधानसभेच्या पार्श्वभूमीवर मनसेची आज मुंबई बैठक संपन्न! ABP Majha](https://feeds.abplive.com/onecms/images/uploaded-images/2024/06/24/063ee86f1aa3ed59af0f8e4b72ffaa161719233134282976_original.png?impolicy=abp_cdn&imwidth=100)
![Medha Kulkarni On Drugs : पुण्यात ड्रग्ज पार्टीचा पर्दाफाश, मेधा कुलकर्णींचा धंगेकरांना सवाल!](https://feeds.abplive.com/onecms/images/uploaded-images/2024/06/24/faaf2b8c3bbf2ab0721ad5455fd1e0691719231517897976_original.png?impolicy=abp_cdn&imwidth=100)
![NEET Exam Scam : 'माझा'च्या प्रतिनिधीला 'नीट'चा आरोपी गंगाधरक़डून धमकावण्याचा प्रयत्न](https://feeds.abplive.com/onecms/images/uploaded-images/2024/06/24/6dd4d51323e68fe97f5e5cf11269f1b71719230967274976_original.png?impolicy=abp_cdn&imwidth=100)
![Maharashtra Superfast : राज्यातील बातम्यांचा धावता आढावा महाराष्ट्र सुपरफास्ट ABP Majha](https://feeds.abplive.com/onecms/images/uploaded-images/2024/06/24/74520f5e7bb3b2a0454be5f279fdae581719229567998976_original.jpg?impolicy=abp_cdn&imwidth=100)
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)