Darshana Pawar Murder Case : दर्शना पवार हत्या प्रकरणात आरोपी राहुल हांडोरेला अटक, कारण उघडकीस

MPSC परीक्षेत राज्यात तिसरी आलेल्या दर्शन पवार हिच्या हत्याकांड प्रकरणात मोठी बातमी समोर आलीये..  या प्रकरणातील मुख्य आरोपीस अटक करण्यात आलीये..गेल्या काही दिवसांपासून पुणे ग्रामीण पोलीस मुख्य आरोपी राहुल हंडोरे याचा शोध घेत होते. अखेरी त्याला आज मुंबईतून अटक करण्यात आलीये.. दरम्यान दर्शनाच्या हत्येचं कारणही समोर आलंय... दर्शना आणि राहु ल हे नातेवाईक होते. ते दोघं एकमेकांना अनेक वर्षांपासून ओळखत होते. राहूलची  दर्शनासोबत लग्न करण्याची इच्छा होती. मात्र दोघेही एमपीएससीची परिक्षा देत होते. एमपीएससी परीक्षेत दर्शनाला यश मिळालं आणि तिने वन विभागाची परिक्षा उत्तीर्ण केली. वन अधिकारी बनण्याची फक्त औपचारिकताच उरली होती. मात्र त्यानंतर दर्शनाच्या घरच्यांनी तिचे लग्न दुसर्‍या मुलासोबत जमवले आणि लग्नाच्या हालचाली सुरु केल्या. त्यामुळे राहुल अस्वस्थ होता. त्यानं दर्शनाच्या घरच्यांना सांगून पाहिलं, मात्र त्यांनी नकार दिला. आणि याच अस्वस्थतेतून राहुलनं दर्शनाची हत्या केली, असं पोलीस सूत्रांनी सांगितलंय.