Raigad Talai landslide : CM उद्धव ठाकरे महाडचा दौरा करणार;दरड दुर्घटनाग्रस्त तळीये गावात पाहणी करणार

मुख्यमंत्री उद्धव ठाकरे महाडचा दौरा करणार आहेत. दुपारी १२ वाजता मुख्यमंत्री मुंबईतून हेलिकॉप्टरने महाडकडे रवाना होतील. महाडच्या एमआयडीसी हेलिपॅड इथे पोहोतून ते वाहनाने तळीये गावाकडे रवाना होतील. दुपारी दीडच्या सुमारास मुख्यमंत्री तळीये गावात पोहोचतील. या ठिकाणी दरड दुर्घटनेमुळे झालेल्या परिस्थितीची मुख्यमंत्री पाहणी करतील. त्यानंतर दुपारी साडेतीनच्या सुमारास ते परत महाडहून मुंबईकडे रवाना होतील.