CM Uddhav Thackeray | मुख्यमंत्री उद्धव ठाकरे आज पुणे, सातारा, रत्नागिरी जिल्ह्यांचा दौऱ्यावर

मुख्यमंत्री उद्धव ठाकरे आज सातारा, रत्नागिरी व पुणे जिल्ह्यांचा दौरा करणार आहेत. या दौऱ्यात मुख्यमंत्री कोयनेच्या पोफळी जलविद्युत प्रकल्पाची तसेच मुंबई-पुणे द्रुतगती महामार्गावरील नवीन मार्गिकेची पाहणी करणार आहे.
मुख्यमंत्री सकाळी 10 वाजता कोयनानगर हेलिपॅडवर आगमन करतील तिथून रत्नागिरी जिल्ह्यातील पोफळी जलविद्युत प्रकल्पाकडे प्रयाण करतील . तिथे पोफळी जलविद्युत प्रकल्प कोयना टप्पा 4 विद्युतगृहाची पाहणी करणार आहेत. नंतर कोयना धरण परिसराची पाहणी करुन ते ओझर्डे (ता. मावळ, जि. पुणे) कडे प्रयाण करतील. दुपारी 2 वाजता ओझर्डे हेलिपॅड येथे आगमन होऊन ते गाडीने मुंबई-पुणे द्रुतगती महामार्गावरील बोगदा क्र. 2 च्या प्रकल्पस्थळाकडे प्रयाण करणार आहेत. 2.20 वाजता मुंबई-पुणे द्रुतगती महामार्गावरील खोपोली ते कुसगाव या दरम्यानच्या नवीन मार्गिकेच्या बांधकामाची पाहणी करतील नंतर मुंबई-पुणे द्रुतगती महामार्गावरील खोपोली-कुसगाव दरम्यानच्या नवीन बांधकामाचे सादरीकरण त्यांच्यासमोर होणार आहे.