CM Uddhav Thackeray PC : 'मी पॅकेज जाहीर करणारा नाही तर मदत करणारा मुख्यमंत्री', कोल्हापुरात मुख्यमंत्री ठाकरेंचं वक्तव्य

पूरग्रस्त नागरिकांच्या मदतीत राजकारण नको. मी स्वत: आज शाहूपुरी येथे श्री देवेंद्र फडणवीस यांना भेटलो आणि बोललो. मुंबईत आम्ही परत एकदा सर्वाना बोलावून पुर परिस्थितीत सर्वांना कशी मदत करता येईल ते पाहू    
मी इथे आलो आहे तर प्रशासनही आमच्या बरोबर गुंतले आहे, माझी विनंती आहे की, कुणी आता पुरग्रस्त भागाचा दौरा करून प्रशासनाला अडकवून ठेवू नये
एनडीआरएफचे निकष २०१५ चे आहेत, जुने  आहेत. ते बदलण्याची गरज आहे असे आम्ही केंद्राला विनंती केली आहे 
मी वेड्यावाकड्या मागण्या केंद्राकडे करणार नाही. सवंग लोकप्रियतेसाठी घोषणा करणार नाही 
तात्पुरती मदत तातडीने सुरू केली आहे.
जेव्हा गरज असेल तेव्हा केंद्राची मदत पण घेऊत . मी केंद्रीय वित्तमंत्री सितारामन  यांना विनंती केली आहे की त्यांनी विमा कंपन्यांना महसूल विभागाचे पंचनामे ग्राह्य धरून किमान ५० टक्के विमा रक्कम द्यावे असे निर्देश द्यावेत.
२०१९ मधल्या पुरामधील नुकसान भरपाईचा  मोबदला  आमचे सरकार सत्तेवर आल्यावर देणे  सुरू झाले आहे 
गेल्या काही वर्षात आपण वेगवेगळ्या आपत्तींना तोंड देत आहोत
आपली प्राथमिकता ही लोकांचे जीव वाचवणे ही आहे,  महापुरानंतर रोगराई होण्याची शक्यता,हे आस्मानी संकट भयानक, कायमस्वरुपी तोडगा काढण्याची नागरिकांची मागणी    
पुराच्या संकटावर तोडगा काढण्यासाठी काम करणे गरजेचे
पूर बाधित नागरिकांचं पुनर्वसन करणे गरजेचे
यासाठी आराखडा करणे गरजेचे
पूर बाधित भागातील अतिक्रमणे काढणे आवश्यक
यासाठी कठोर निर्णय घेणे गरजेचे. चांगल्या सूचनांचे स्वागत केले जाईल.

अतिवृष्टीचा इशारा मिळाल्यावर स्थानिक प्रशासनाने काही लाख नागरिकांचे स्थलांतर करून जीव वाचवले. पशुधनही त्याचप्रकारे वाचवण्यात आलं. 

महाराष्ट्रावर कोसळलेले हे अस्मानी संकट भयानक आहे. या संकटातून बाहेर पडताना कोविड तसेच पुराच्या पाण्यामुळे होऊ शकणारी रोगराई रोखण्यासाठी साफसफाई करणं, नागरिकांना दिलासा देणं, त्यांचं पुनर्वसन करणं यास आमचं प्राधान्य आहे. 

हे संकट नेहमीचंच झालं आहे आणि त्यात आमचे संसार वाहून जात आहेत, तेव्हा त्यावर कायमस्वरुपी तोडगा काढावा अशी नागरिकांची अपेक्षा आहे. 

नद्या फुगल्यामुळे येणाऱ्या अतिरिक्त पाण्याच्या नियोजनाचा आराखडा करून काम सुरू केलं जाणार आहे. कोसळणाऱ्या दरडी, खचणारे रस्ते लक्षात घेता भूगर्भाचा अभ्यास करून त्याबाबतीत काही उपाययोजना केली जाणार आहे. 

सर्वात महत्त्वाचे म्हणजे पूरबाधित क्षेत्रातील तसेच दरडी कोसळण्याचा धोका असलेल्या वस्त्यांचेही चांगल्या पद्धतीने पुनर्वसन करण्यावर आमचा भर आहे. हे साध्य करण्यासाठी कठोर निर्णय घ्यावे लागतील. नदीपात्रातली अतीक्रमणे, बांधकामांना परवानगी न देण्याच्या सूचना मी दिल्या आहेत. 

या पुराचं भीषण वास्तव जवळून पाहिल्यानंतर त्यासंदर्भातील कामाला, आराखड्याला गती दिल्याशिवाय मी स्वस्थ बसणार नाही.