Chandrapur Flood : चंद्रपुरात पावसानं उसंत, पूरग्रस्त भागातून माझाचा आढावा ABP Majha

चंद्रपुरात पावसानं उसंत घेतल्यानं आता जिल्ह्यातील पूरपरिस्थिती नियंत्रणात यायला सुरुवात झाली आहे. चंद्रपूर शहरातील रहमत नगर- राजनगर आणि सहारा पार्क या भागातील पुराचं पाणी ओसरायला सुरुवात झाली आहे. त्यामुळे आता पूरग्रस्त नागरिक घरांची स्वच्छता करण्यासाठी सरसावले आहेत. ईरई, गोसेखुर्द आणि लोअर वर्धा धरणातून पाण्याचा विसर्ग कमी करण्यात आल्याने जिल्ह्यातील नद्यांची पाणी पातळी कमी होण्यास सुरुवात झाली आहे. पूर कमी झाल्याने राजुरा-सास्ती-चंद्रपूर मार्ग सुरू करण्यात आला आहे. चंद्रपुरातील परिस्थितीचा आढावा घेतलाय आमचे प्रतिनिधी सारंग पांडे यांनी