UP cities renaming : उत्तर प्रदेशातील 'या' शहरांचं नामांतर करणार ABP Majha

उत्तर प्रदेशात निवडणूक जवळ येऊ लागलीय, तसं सरकारनं काही शहरांची नावं बदलण्याची तयारी केलीय. शहरांची नावं बदलणं हा तसा योगी आदित्यनाथ सरकारचा आधीपासूनच आवडता अजेंडा राहिलाय. मुख्यमंत्री होण्याआधीपासूनच ते या मुद्यावर आक्रमक होते. आता अलिगड, फिरोजाबाद आणि मैनपुरी या जिल्ह्यांची नावं बदलण्याच्या हालचाली सुरू आहेत. त्यानुसार अलिगडचं नाव हरीगड, फिरोजाबादचं नाव चंद्रनगर आणि मैनपुरीचं नाव मयननगरी करण्याचा योगी सरकारचा विचार आहे. जिल्हा पंचायतीमधून तसे प्रस्ताव सरकारकडे पाठवण्यात आलेत.