Chandrapur Loksabha Election Vanita Raut Viral Statment Beer And Whisky Marathi News ABP Majha

सध्या देशासह राज्यात निवडणुकांचे वारे वाहत आहे. दरम्यान, या कालावधीमध्ये अनेक राजकीय पक्षातील उमेदवार अनेक प्रकारचे आश्वासन देतात  आणि मतदारांचे मत आपल्या पारड्यात पाडून घेण्याचे आटोकाट प्रयत्न करत असतात. असाच एक अफलातून प्रयत्न चंद्रपूर लोकसभा मतदारसंघातून  उभ्या असलेल्या अखिल भारतीय मानवता पक्षाच्या उमेदवार वनिता राऊत यांनी केला आहे. नमस्कार मी नुपूर पाटील वनिता राऊत यांनी काय आश्वासन दिलं पाहुयात ...

फक्त श्रीमंतांनीच महागडी व्हिस्की-बिअर का प्यावी? असं म्हणत देशी पिणाऱ्या गरिबांना देखील कधी कधी चांगली दारू मिळावी यासाठी आनंदाच्या शिध्यात व्हिस्की आणि बिअर देण्याचं अफलातून आश्वासन वनिता राऊतयांनी मतदारांना दिलंय. विशेष बाब म्हणजे 2019 मध्ये देखील वनिता राऊत यांनी चिमूर विधानसभेची निवडणूक लढवली होती.  त्यावेळी त्यांनी गाव तिथे दारूचं दुकान असे भन्नाट आश्वासन दिले होते. चंद्रपुर लगतच्या इतर जिल्ह्यात, नागपूर मध्ये दारू बंदी नाही. मग चंद्रपुरकरांनी नेमके काय वाईट केले आहे की ज्यांना दारूबंदी सारखे निर्बंध घालण्यात येत आहे. चंद्रपुरमध्ये जर दारूबंदी उठवल्या गेली तर अनेकांना रोजगार मिळेल. असा अजब दावा त्यांनी त्यावेळी केला होता. मात्र चंद्रपूरकरांनी त्यांच्या या आश्वासनाला फार दाद दिली नाही. परिणामी त्यांचा पराभव झाला होता यंदा देखील त्यांनी मतदारांना अनोख्या पद्धतीने साद घातली असल्याने त्या पुन्हा एकदा चर्चेचा विषय ठरल्या आहेत.