Mobile Recharge New Rules : आता 30 दिवस चालणार मोबाईल रिचार्ज

आता तुमच्या मोबाईलच्या रिचार्ज प्लॅनची व्हॅलिडिटी 28 नव्हे तर 30 दिवसांची असणार आहे.. याआधी रिचार्ज मारल्यानंतर 28 दिवसांची व्हॅलिडिटी मिळायची... पण त्यात आता दोन दिवसांची वाढ करण्यात आलीये... यामुळे आता ग्राहकांना वर्षाला 13 वेळा  नाही तर 12 वेळाच मोबाईल रिचार्ज करावा लागणार आहे.. TRAI चे नवीन नियम काय? जाणून घेऊयात..

सरकारने 'टेलिकॉम कन्झ्युमर प्रोटेक्शन रेग्युलेशन, 2026' लागू केले आहे. यापूर्वी टेलिकॉम कंपन्या 28 दिवसांचा महिना धरून ग्राहकांकडून वर्षातून 13 वेळा रिचार्ज करून घेत असत. मात्र, आता नव्या नियमांमुळे यूजर्सच्या पैशांची आणि वेळेची मोठी बचत होणार आहे.

30 दिवसांचा पूर्ण रिचार्ज : आता कंपन्यांना 28 दिवसांऐवजी पूर्ण 30 दिवसांचा रिचार्ज प्लॅन द्यावाच लागेल. यामुळे वर्षातील 13 व्या महिन्याच्या अतिरिक्त रिचार्जच्या खर्चातून सुटका होईल.

यासोबत ज्या ग्राहकांना इंटरनेट किंवा डेटाची गरज नाही, विशेषतः ज्येष्ठ नागरिक; त्यांच्यासाठी आता फक्त इनकमिंग आणि आउटगोइंग कॉलिंग आणि एसएमएस असणारे स्वस्त 'व्हॉइस ओन्ली' प्लॅन्स (Voice Only Plans) उपलब्ध करून दिले जातील. यूजर्सना जेवढ्या सेवेची गरज आहे, तेवढ्याच सेवेचे पैसे द्यावे लागतील. अनावश्यक डेटा प्लॅन्स खरेदी करण्याची सक्ती आता राहणार नाही.