रायगड : पोलादपूर बस दुर्घटना : आंबेनळी घाटात सकाळपासून पुन्हा शोधकार्याला सुरुवात

रायगडच्या आंबेनळी घाटातल्या दरीतून आतापर्यंत 27 मृतदेह बाहेर काढण्यात आले आहेत. काल रात्रीनंतर आज सकाळी पुन्हा युद्धपातळीवर शोधकार्य सुरु आहे. काल संध्याकाळी पाऊस आणि अंधूक प्रकाशामुळं शोधकार्य थांबवण्यात आलं होतं. दापोलीच्या बाळासाहेब सावंत कृषी विद्यापीठाच्या कर्मचाऱ्यांची बस दरीत कोसळून हा अपघात झाला.. हे कर्मचारी खासगी बसने पिकनिकसाठी महाबळेश्वरला निघाले होते. काल सकाळी १० च्या दरम्यान ही दुर्घटना घडली. तब्बल ८०० फूट खोली असलेल्या दरीत ही बस कोसळली. या अपघातात एकूण ३0 जणांचा मृत्यू झालाय, तर एक कर्मचारी बचावला आहे.