712 | साखर उत्पादन नियंत्रणासाठी इथेनॉलच्या दरात वाढ

केंद्र सरकारनं बी-हेवी मोलॅसीस म्हणजेच थेट ऊस किंवा ऊसाच्या रसापासून इथेनॉल निर्मितीला मान्यता दिलीये. उत्पादन वाढवण्यासाठी इथेनॉलचे दरही वाढवलेत. अतिरिक्त साखर उत्पादनावर निर्यातीसोबतच इथेनॉल निर्मिती हा प्रभावी उपाय आहे. सरकारनं बी-हेवी मोलॅसीसपासून तयार होणाऱ्या इथेनॉलच्या दरात १०.४ टक्क्यांनी वाढ केलीये. ऊसाच्या संपृक्त म्हणजेच सॅच्युरेटेड रसापासून तयार केलेल्या इथेनॉलला ५९.१३ रुपयांचा दर आहे. तर बी-हेवी मोलॅसीसपासून तयार केलेल्या इथेनॉलला ५२.४३ रुपये दर आहे. सी-हेवी मोलॅसीसपासून तयार केलेल्या इथेनॉलचा दर ४३.४६ रुपये प्रति लिटर ठेवण्यात आलाय.