Abdul Sattar Statement Special Report : कृषीमंत्री अब्दुल सत्तारांना कोण आवरणार?

राज्य मंत्रिमंडळातील बेताल बादशहाच्या बातमीनं. त्या बेताल बादशहाचं खरं नाव कृषिमंत्री अब्दुल सत्तार आणि बातमीय अर्थातच त्यांच्या आणखी एका वादग्रस्त वक्तव्याची. कृषिमंत्री अब्दुल सत्तार यांनी शिवसेनेतून फुटून निघाल्यापासून म्हणजे गेल्या चार महिन्यांपासून सुरु केलेली बेताल विधानाची मालिका काही केल्या थांबायचं नाव घेत नाहीय. आणि आज तर सत्तारांनी हद्द केली. त्यांनी राष्ट्रवादी काँग्रेसच्या खासदार सुप्रिया सुळे यांना उद्देशून शिवीगाळ केली. दुर्दैवाची बाब म्हणजे सत्तारांनी त्यांच्या या गलिच्छ भाषेबद्दल थेट सुप्रिया सुळेंची थेट माफी मागितलेलीच नाही. सत्तारांच्या या शिविगाळीनंतर राज्यभर राष्ट्रवादीचे कार्यकर्ते आक्रमक झालेयत.