Vidhan Parishad Result | सोमवारी मतमोजणी; तयारी पूर्ण, निकालाकडे लक्ष | Special Report

गेले काही आठवडे महाराष्ट्रात चर्चेचा विषय ठरलेल्या विधान परिषद निवडणुकांची मतमोजणी उद्या होणार आहे. १७ जागांसाठी होणाऱ्या या निवडणुकीत ६ जागांवर बिनविरोध निवडणूक झाल्यामुळं उरलेल्या ११ ठिकाणांचे निकाल उद्या जाहीर होतील. कागदावर मजबूत असणाऱ्या महायुतीसमोर विरोधकांपेक्षाही बंडखोरांनी मोठं आव्हान निर्माण केलं होतं. ही बंडखोरी रोखण्यात महायुतीला यश आलं असलं तरी अंतिम निकालाकडं सर्वांचंच लक्ष असणार आहे. याचाच आढावा घेऊया, या स्पेशल रिपोर्टमधून. 

जागावाटपापासून ते बंडखोरीपर्यंत अनेक कारणांनी गाजलेल्या महाराष्ट्रातल्या विधान परिषद निवडणुकांची मतमोजणी सोमवारी होणार आहे. 

एकूण १७ जागांसाठी होणाऱ्या या निवडणुकीतील सुमारे एक तृतीयांश जागांवर महायुतीचे उमेदवार बिनविरोध निवडले गेलेत. 

त्यामुळे निकालाची उत्कंठा असणार आहे ती उरलेल्या १२ जागांसाठी. 

युद्धजन्य परिस्थितीच्या पार्श्वभूमीवर ही निवडणूक बिनविरोध करण्याचं आवाहन भाजपकडून करण्यात आलं होतं.

मात्र हे आवाहन फेटाळून लावत सर्व ठिकाणी निवडणूक लढवण्याचा इरादा महाविकास आघाडीकडून करण्यात आला होता. 

मात्र उमेदवारी मागे घेण्याच्या शेवटच्या दिवशी मविआच्या एकूण आठ उमेदवारांनी स्वतःहून मैदान सोडल्यामुळं चांगलीच नाचक्की झाली. 

महायुतीकडं असलेलं संख्याबळ आणि मविआकडून झालेली हाराकिरी या जोरावर भाजप नेते निर्विवाद विजयासाठी किती तयार आहेत, हे सांगायला गिरीश महाजनांची ही प्रतिक्रिया पुरेशी आहे.