मतदानाऐवजी केलं रक्तदान! पेद्रेवाडी गावातील तरुणांचा अभिनव उपक्रम, या गावाचा आदर्श घेण्याजोगा!

कोल्हापूर जिल्ह्यातील 386 ग्रामपंचायतींसाठी आज प्रत्यक्ष मतदान होतंय. तर 47 ग्रामपंचायत बिनविरोध झाल्या आहेत. याच बिनविरोध झालेल्या एका ग्रामपंचायतीनं 'आम्ही मतदान नाही तर रक्तदान करणार' या टॅगलाईन खाली रक्तदान शिबिर आयोजित केलं. कोल्हापूर जिल्ह्यातील पेद्रेवाडी असं या गावचं नाव आहे. ग्रामपंचायत बिनविरोध केल्यानंतर मतदान करण्याची वेळ आली नाही. पण आम्ही रक्तदान करण्याचा निर्णय घेतला. आज गावातील सर्व तरुण मंडळी आणि जुने जाणते नेते यामध्ये सहभागी झालेत. शेकडो तरुणांनी आज गावातच रक्तदान केलं.