Urmila VS Kangana | कंगनाच्या टीकेला उर्मिलाचं सणसणीत उत्तर, उर्मिला - कंगनामध्ये 'वॉर 2'

बॉलिवूड अभिनेत्री आणि नव्यानं शिवसैनिक झालेल्या उर्मिला मातोंडकर यांनी खार लिंक रोडवर दुर्गा चेंबर्स नावाच्या कर्मशियल इमारतील एक नवं कार्यालय विकत घेतलं आहे. या जागेसाठी उर्मिला यांनी तब्बल पावणे चार कोटी मोजल्याची माहिती उपलब्ध झालीय. अगदी मोक्याच्या जागी असलेल्या या सात मजली इमारतीत सहाव्या मजल्यावर उर्मिला यांचं 1040 चौ.फूटांचं कार्यालय आहे. यासाठी 36 हजार प्रति चौ. फूट या दरानं उर्मिलानं ही जागा विकत घेतल्याची नोंद आहे. ज्याची स्टँप ड्युटी 80 हजार 300 तर रजिस्ट्रेशनसाठी 30 हजार रूपये सरकार दरबारी भरण्यात आलेत. जाणकारांच्या मते या जागेची बाजारभावानुसार किंमत ही 4 कोटींपेक्षा अधिक आहे.