Uddhav Thackeray vs Devendra Fadnavis : ठाकरेंच्या कोट्या, भाजपची चर्चा Special Report

राजकारणात प्रत्येक नेत्याच्या भाषणाची एक शैली असते. त्या शैलीचे अनेकजण चाहते असतात तर तितकेच टीकाकारही असतात. भाषणातल्या कोट्या ही उद्धव ठाकरेंची ओळख. त्यांच्या याच सवयीवरून गेल्या अधिवेशनात मुख्यमंत्र्यांनी त्यांना कोट्यधीश असल्याची उपमा देत चिमटा काढला होता. आज पुन्हा एकदा भाजपनं त्यांच्या भाषणातील कोट्यांवरून टीका केलीय. पाहूया, याचाच आढावा घेणारा हा स्पेशल रिपोर्ट. 

अर्थसंकल्पीय अधिवेशनात झालेल्या विधान परिषद आमदारांच्या निरोप समारंभात मुख्यमंत्री फडणवीसांनी कौतुकाच्या कोंदणात उद्धव ठाकरेंना मारलेला हा टोमणा. 

हा टोमणा आता पुन्हा चर्चेत येण्याचं कारण म्हणजे उद्धव ठाकरेंचं आजचं भाषण.

मुंबईत भारतीय कामगार सेनेच्या कार्यक्रमात उद्धव ठाकरेंनी केलेल्या भाषणात अशा काही कोट्या केल्या की त्यामुळे भाजपच्या नेत्यांना मुख्यमंत्र्यांच्या या टोमण्याची पुन्हा आठवण आली. 

बुरखा फाडणे हा शब्दप्रयोग सत्य समोर आणणे या अर्थाने वापरला जातो.

मात्र उद्धव ठाकरेंनी या शब्दावरून केलेल्या कोटीची चांगलीच चर्चा झाली.