Uddhav Thackeray | राम मंदिर देणगी प्रकरणावर ठाकरे आक्रमक; फडणवीसांचा जोरदार पलटवार | Special Report

अयोध्या मंदिरातील कथित देणगी दान चोरी प्रकरणामुळे देशभरात संतापाची लाट पसरली आहे. अशातच श्रीराम मंदिरातील दान चोरीच्या विरोधात उद्धव ठाकरे आक्रमक झाले आणि त्यांनी दादरमध्ये आंदोलन केलं. या प्रकरणाची सखोल चौकशीची मागणी केली तर दुसरीकडे उद्धवजी यांनी रामाला सोडल्यानं म्हणूनच त्यांच्या पक्षाची अधोगती झाल्याचा टोला मुख्यमंत्री फडणवीसांनी लगावला. दरम्यान उद्धव ठाकरे हे पुन्हा हिंदुत्वाचा मुद्दा रेटू पाहात आहेत का अशी चर्चा राजकीय वर्तुळात सुरु झाली आहे

 

एकीकडे आज मुंबईत पाऊस धोधो बरसत होता

तर दुसरीकडे ठाकरेंच्या शिवसेनेनं रामरक्षेचा हुंकार भरला होता....

अयोध्येतील भव्य श्रीराम मंदिरातील

दानचोरी प्रकरणावरून ठाकरेसेना चांगलीच आक्रमक झालीये...

याचाच तीव्र निषेध नोंदवण्यासाठी 

मुंबईतील दादरच्या प्रसिद्ध हनुमान मंदिरात

रामरक्षा आंदोलनाची हाक देण्यात आली होती...

पक्षप्रमुख उद्धव ठाकरेंनी भर पावसात आंदोलनस्थळी हजेरी लावत

या राज्यव्यापी आंदोलनाचा शंखनाद केला....

दादरच्या आंदोलनातून

दानचोरी प्रकरणावर निशाणा साधताना

ठाकरेंनी भाजप आणि पंतप्रधान मोदींवरही टीका केली....

ज्या राम मंदिरासाठी आपण मेहनत केली, तीच व्यक्ती आज पंतप्रधानपदी बसली आहे. मात्र, तिथे बसल्यानंतर त्यांनी सर्वात आधी कट्टर हिंदुत्ववादी शिवसेनेला नष्ट करण्यासाठी 'अफझल खाना'प्रमाणे विडा उचलला. याचे एकमेव कारण म्हणजे, त्यांना हिंदुत्वाचा गैरफायदा घ्यायचा होता आणि देशात केवळ शिवसेनाच त्यांच्यासमोर निधड्या छातीने उभी राहून जाब विचारू शकते, याची त्यांना भीती होती

यावेळी ठाकरेंनी अयोध्या तो झांकी है...

मथुरा, काशी बाकी है असं म्हणत टोला लगावला...

राममंदिर प्रकरणाची निष्पक्ष चौकशी करण्याची मागणी केली...