Shivsena BJP Marathi Credit War Special Report : अमराठी नेते मैदानात, मराठीवरून दोन पक्षातच श्रेयवादाची लढाई सुरु | ABP Majha

मुंबई आणि महाराष्ट्रातील प्रत्येक रिक्षा आणि टॅक्सीचालकाला मराठी भाषा शिकवण्यासाठी आता शिवसेना आणि भाजपनं कंबर कसलीय. मराठी भाषा शिकण्यासाठी परिवहन मंत्र्यांनी राज्यातल्या रिक्षा आणि टॅक्सीचालकांना १५ ऑगस्टपर्यंतची मुदत दिलीय. आणि आता रिक्षा चालकांना मराठी शिकवण्याची शिवसेना आणि भाजपात जणू स्पर्धा सुरु झालीय. भाजपप्रणित नव भारतीय शिव वाहतूक संघटनेच्या वतीनं मराठी बोला, महाराष्ट्र जोडा या मोहिमेचं आयोजन करण्यात आलं. दुसरीकडं शिवसेनेची ही मोहिम सांभाळतायत संजय निरुपम. अगोदर परिवहन मंत्री प्रताप सरनाईक यांच्या मराठी सक्तीच्या मुद्द्याला विरोध करणाऱ्या संजय निरुपम यांनी, आता अमराठी रिक्षाचालकांसाठी मराठीचं पुस्तक हाती घेतलंय. महाराष्ट्र माझा, मराठी माझी बोली भाषा, या उपक्रमाअंतर्गत उत्तर भारतीय रिक्षाचालकांना मराठीचे धडे दिले जातायत. दोन्ही पक्षांकडून यासाठी वेगवेगळे कार्यक्रम राबवले जात असून दोन्ही पक्षांचे अमराठी नेते मैदानात उतरलेत. त्यामुळे मराठीवरून आता या दोन पक्षातच श्रेयवादाची लढाई सुरु झाल्याची चर्चा रंगतेय. पाहूया, याचाच आढावा घेणारा हा स्पेशल रिपोर्ट.