Sharad Pawar To Meet PM Modi | वाढल्या भेटी, जुळणार गाठी? | ABP Majha Special Report

शरद पवार.. वय वर्षे ८५... आणि राजकीय कारकीर्द ६५ ते ६६ वर्षांची... या साडे सहा दशकात शरद पवारांनी केलेल्या राजकारणावर वेगवेगळे खंड प्रसिद्ध करावे लागतील.. मात्र एवढं करूनही शरद पवारांचं संपूर्ण राजकारण त्यात सामावणार नाही... कारण सध्या शरद पवारांच्या डोक्यात नेमकं कोणतं विचारचक्र सुरू आहे हे काही कळायला मार्ग नाही... एकीकडे राष्ट्रवादीच्या विलिनीकरणाचा काहीही संबंध नाही असं शरद पवार म्हणताहेत... तर दुसरीकडे गेल्या काही दिवसांत त्यांची भाजप हायकमांडशी जवळीकही बरीच वाढलीय.. शरद पवारांच्या एनडीएतल्या एन्ट्रीबाबत गल्ली ते दिल्ली चर्चा सुरू असताना पवारांच्या या गाठीभेटींमध्ये काही राजकारण दडलंय का? पाहुयात या स्पेशल रिपोर्टमध्ये..

तारीख, २२ जुलै 
ठिकाण, संसद भवनातील पंतप्रधानांचं कार्यालय

स्वतः पंतप्रधान नरेंद्र मोदी, शरद पवार आणि त्यांच्या कन्या सुप्रिया सुळे यांच्यात बैठक पार पडली

या बैठकीत नीट पेपरफुटीविरोधातलं आंदोलन, तरूणांच्या मनात सरकारविरोधात निर्माण झालेला रोष आणि तत्सम विषयांवर चर्चा झाली असं शरद पवारांचं म्हणणं आहे.

शरद पवारांनी पंतप्रधान मोदींची भेट घेतल्याच्या दुसऱ्याच दिवशी, 

म्हणजे २३ जुलैला पार्थ पवार आणि प्रफुल पटेलांनी शरद पवारांचं दिल्लीतलं घर गाठलं

शरद पवारांची दिल्लीत भेट झाल्याच्या वृत्ताला प्रफुल पटेल यांनी एबीपी माझाशी बोलताना दुजोराही दिलाय