Satara SP Tushar Doshi Compulsory Leave : सक्तीची सुट्टी वादाची मुक्ती? Special Report

सातारा जिल्हा परिषद अध्यक्ष निवडीवरुन झालेल्या राडा राज्यभर गाजला... पण त्यामुळे भाजप आणि शिंदेंच्या शिवसेनेत नाराजीनाट्य रंगू लागलंय. अध्यक्ष निवडीवरून एकमेकांवर आरोप-प्रत्यारोप सुरू झाले. याप्रकरणी शिवसेनेच्या नेत्यांनी उपमुख्यमंत्री शिंदेंसह, मुख्यमंत्र्यांकडेही नाराजी व्यक्त केली होती. आणि दरम्यान याच प्रकरणी साताऱ्याचे पोलीस अधीक्षक तुषार दोशींना सक्तीच्या रजेवर पाठवण्यात आलं. मात्र दोशींना खरंच सक्तीच्या रजेवर पाठवण्यात आलं का? यावरुन आता नवा संभ्रम निर्माण झालाय. काय आहे यामागचं नेमकं कारण? पाहूयात हा स्पेशल रिपोर्ट...

सातारा जिल्हा परिषदेच्या अध्यक्षपदाची निवडणूक गाजली ती राड्यामुळे

पोलिसांकडून झालेल्या धक्काबुक्कीमुळे संतापलेले मंत्री शंभुराज देसाईंनी विधानसभेत आक्रमक पवित्रा घेतला होता... 

उपमुख्यमंत्री एकनाथ शिंदे यांनी 
देखील सातारा राडा प्रकरणी नाराजी बोलावून दाखवली होती.  

आणि या सगळ्यासाठी शिवसेनेनं व्हिलन ठरवलं होतं ते साताऱ्याचे पोलीस अधीक्षक तुषार दोशींना

शिवसेनेचे मंत्री आणि आमदारांकडून तुषार दोशींच्या निलंबनाची मागणी करण्यात आली

तर मुख्यमंत्री देवेंद्र फडणवीस यांनीही सदर प्रकरणाची चौकशी  करण्याचं आश्वासन दिलं होतं, 

आणि आता साताऱ्याचे पोलीस अधीक्षक तुषार दोशींना सक्तीच्या रजेवर पाठवण्यात आलंय.