Rahul Narvekar Marathi Controvercy : अध्यक्ष महोदय... हे कसलं मराठी? | Special Report

विधिमंडळाच्या अधिवेशनाचा पहिला दिवस हा शोकप्रस्तावाचा असतो. श्रद्धांजली वाहण्याचा कार्यक्रम झाल्यानंतर सभागृह तहकूब होतं. त्यामुळं सहसा या दिवसाची सर्वसामान्यांमध्ये फारशी चर्चा होत नाही. मात्र यंदाचं पावसाळी अधिवेशन याला अपवाद ठरलंय. त्याचं कारण म्हणजे विधानसभा अध्यक्ष राहुल नार्वेकरांनी दिवंगत आशा भोसलेंना वाहिलेली श्रद्धांजली. ही श्रद्धांजली वाचताना नार्वेकरांच्या तोंडून बाहेर पडणाऱ्या मराठी भाषेची अवस्था बघून सर्वांच्याच संतापाचा पारा चढला. नेमकं काय घडलं, बघूया या स्पेशल रिपोर्टमधून. 

महाराष्ट्राच्या विधानसभेचे मराठमोळे अध्यक्ष राहुल नार्वेकर यांनी दिवंगत आशा भोसलेंना वाहिलेली श्रद्धांजली ऐकून मराठी भाषाप्रेमींना जोरदार झटका बसलाय. 

विधिमंडळाच्या पावसाळी अधिवेशनाच्या पहिल्या दिवशी शोकप्रस्ताव मांडताना नार्वेकरांच्या हातात एक कागद आला.

या कागदावरचा मजकूर नार्वेकरांच्या तोंडून ऐकताना ही आपली माय मराठीच आहे ना, असा प्रश्न सर्वांना पडला. 

आशा भोसलेंच्या जन्माचे तपशील सांगताना त्यांनी तारीख आणि ठिकाण तर बरोबर सांगितलं..

पण आशाताईंचे वडील दीनानाथ मंगेशकरांचं नावच बदलून टाकलं.