Pune Christian Conversion : पुण्यात पर्यटक म्हणून आले... धर्मप्रचाराला लागले Special Report

पुण्यात एक धक्कादायक घटना समोर आलीये... अमेरिकेतून पर्यटनाच्या नावाखाली आलेल्या तिघांनी चक्क ख्रिस्ती धर्माचा प्रसारच सुरू केला होता... त्यांचा हा डाव उधळला गेला तो एका ड्रायव्हरनं दाखवलेल्या सतर्कतेमुळे... नेमकं काय घडलंय, बघुयात माझे सहकारी मंदार गोंजारी यांचा हा स्पेशल रिपोर्ट... 

या तिघांचे चेहरे नीट बघा... 

हडसन जेम्स रिची, थॉमस फ्रांट्झ आणि जीन गॅरी रॉसमंड अशी यांची नावं... 

ते भारतात आले पर्यटनाच्या बहाण्यानं पण त्यांचा हेतू वेगळाच होता... 

ख्रिश्चन धर्माचा प्रचार करणारी पत्रकं वाटत असताना आढळून आल्यानंतर पोलिसांनी तिघांनाही ताब्यात घेतलं... 

हे तिघे अमेरिकन नागरिक टुरीस्ट व्हीजावर  काही दिवसांपूर्वी भारतात आले होते... 

पिंपरी-चिंचवडच्या एका हॉटेलमध्ये त्यांनी २६ एप्रिलला मुक्काम केला... 

२७ तारखेला ते पुण्याच्या शुक्रवार पेठेत दाखल झाले... 

त्यांच्याकडे मराठी, हिंदी आणि इंग्रजी भाषेत छापण्यात आलेली धर्मप्रचाराची पत्रकं होती... 

एका ड्रायव्हरनं बंदोबस्तावर असलेल्या पोलिसांना याची माहिती दिली आणि तिघांचं बिंग फुटलं...

आता त्यांना १०मेच्या आत देश सोडून जाण्याचे आदेश देण्यात आले असून १ मे रोजी घरवापसीची तिकिटंही निघालीयेत... 

विशेष म्हणजे १५ दिवसांपूर्वी भारतात आलेले हडसन, थॉमस आणि जीन आठवडाभर मुंबईतही होते... 

तिथंही त्यांनी धर्मप्रसाराचा असा काही प्रयत्न केला होता का, असा प्रश्न यानिमित्तानं उपस्थित होतोय... 

याबाबत आम्ही पोलिसांना विचारलं असता तपास सुरू असल्याचं मोघम उत्तरच मिळालं...