Pankaja Munde VS Fadnavis : पंकजा मुंडे फडणवीसांना नेता मानत नाहीत? पंकजा VS फडणवीस नवा संघर्ष?

केंद्रीय मंत्रिमंडळाच्या विस्तारामध्ये प्रीतम मुंडे यांना स्थान न मिळाल्याने पंकजा मुंडे नाराज असल्याचं बोललं जात आहे. तसंच मंत्रिपद न मिळाल्याने मुंडे समर्थक देखील नाराज झाले आहेत. मुंडे समर्थकांनी याचा निषेध म्हणून राजीनामे द्यायलाही सुरु केले आहेत. या पार्श्वभूमीवर काल त्यांनी दिल्लीत जाऊन वरिष्ठांनी भेट घेतली. त्यानंतर आज त्या मुंबईत परतल्या. यावेळी त्यांना भेटण्यासाठी राज्यभरातून कार्यकर्ते मुंबईत दाखल झाले. 

दरम्यान, कार्यकर्त्यांशी संवाद साधताना मुंडेंनी केलेल्या सूचक वक्तव्यानंतर देवेंद्र फडणवीस पंकजा मुंडेंचे नेते नाहीत का असा सवाल व्यक्त केला जात आहे. नरेंद्र मोदी, जे. पी. नड्डा हे आपले नेते आहेत असे मुंडे यांनी कार्यकर्त्यांशी बोलताना सांगितले, मात्र फडणवीसांचा उल्लेख न केल्याने माध्यमांकडून हा प्रश्न विचारण्यात आला.