Pahalgam Terror Attack : शोकाकुल Dombivli, सुन्न महाराष्ट्र; अंगावर काटा आणणारी कहाणी Special Report
पहलगाममध्ये झालेल्या दहशतवादी हल्ल्यात डोंबिवलीतील संजय लेले, अतुल मोने, हेमंत जोशी या तिघांना प्राण गमवावे लागले.. एकमेकांचे नातेवाईक असलेल्या या तिघांमधला जिव्हाळा नातेवाईकांमध्ये नेहमीच कौतुकांचा विषय असायचा..लेकरांची परीक्षा संपली म्हणून ते फिरण्यासाठी काश्मीरला गेले होते.. मात्र बैसरनच्या खोऱ्यात त्यांची गाठ माणसाच्या मुखवट्याड दडलेल्या सैतानांशी पडली... त्यानंतर पुढे जे घडलं ते ऐकून तुमच्याही डोळ्यात अश्रू आणि मनात संतापाची लाट उसळल्याशिवाय राहणार नाही....
संजय लेले
अतुल मोने
हेमंत जोशी
एकमेकांचे नातेवाईक असलेल्या या तिघांनी, अनेक सुख-दुखाच्या प्रसंगात एकमेकांची कधीच साथ सोडली नव्हती...
अखेरचा श्वास घ्यायची वेळ आली, तेव्हा देखील यात खंड पडू दिला नाही..
पहलगाममध्ये झालेल्या दहशतवादी हल्ल्यात डोंबिवली पश्चिमचे रहिवासी असलेल्या या तिघांचा दुर्दैवी मृत्यू झालाय..
संजय लेलेंची पत्नी ही हेमंत जोशींची आते बहीण तर अतुल मोनेंची मामेबहीण
मुलांच्या परीक्षा संपल्यानं तिन्ही कुटुंबांनी एकत्र काश्मीरला जाण्याचा प्लॅन आखला
काश्मीरला जाण्यासाठी विमानात बसल्यानंतर हेमंंत जोशी, त्यांची पत्नी आणि मुलगा ध्रुवच्या चेहऱ्यावरचं हास्य कॅमेऱ्यानं टिपलं होतं
ध्रुवच्या दहावीमुळे वर्षभर कुठेच जाता न आल्यानं, यंदाची सुट्टी त्यांना काश्मीरमध्ये घालवायची होती
संजय लेले, अतुल मोने आणि हेमंत जोशी आपल्या कुटुंबासह मिनी स्वित्झरलँड म्हणून ओळखल्या जाणाऱ्या पहलगाममध्ये पोहोचले..
एकीकडे निसर्गानं केलेली सौंदर्याची उधळण तर दुसरीकडे देशभरातून आलेल्या पर्यटकांकडून आनंदाची उधळण
याच आनंदोत्सवाचे क्षण कॅमेऱ्यात कैद करण्याचा मोह संजय लेलेंना आवरला नाही
सर्व पर्यटक फुलपाखराप्रमाणे बैसरन खोऱ्यामध्ये बागडत असतानाचा अचानक गोळीबाराचा आवाज सुरू झाला
गोळीबाराचा आवाज ऐकून पर्यटकांची धावपळ सुरू झाली
जो तो आपला आणि आपल्या कुटुंबाचा जीव वाचवण्यासाठी पळू लागला..
दहशतवाद्यांनी प्रत्येलाकाला धर्म विचारला..
जे मुस्लिम नव्हते त्यांना पत्नी आणि मुलाबाळांदेखल गोळ्या झाडल्या..
दहशतवादी हल्ल्यात संजय लेले , अतुल मोने
, हेमंत जोशी यांचा मृत्यू झाला...
हेमंत जोशी यांचा मुलगा ध्रुव देखील गोळीबारात जखमी झाला
जेव्हा ही बातमी धडकली तेव्हा तिन्हा कुटुंबांच्या पायाखालची जमीनच सरकली
संजय लेले , अतुल मोने, हेमंत जोशी यांच्या मृत्यूमुळे फक्त डोंबिवलीवरच नव्हे तर महाराष्ट्रावर शोककळा पसरलीय..