Nagpur Project Water Report : पाणी घटलं, संकट वाढलं, ऑक्टोबरमध्ये मे सारखी परिस्थिती | Special Report ABP Majha

नागपूरच्या पेंचमधील घनदाट जंगलात असलेलं तोतलाडोह धरण नागपूरकरांची तहान भागवतं. दरवर्षी ऑक्टोबर महिन्यात याच धरणात जवळपास १०० टक्के पाणी असतं. मात्र यंदा ही पाणीपातळी ५० टक्क्यांवर आलीये.... जलसाठ्याची आणि पाणीपुरवठ्याची हीच परिस्थिती जाणून घेण्यासाठी एबीपी माझाची टीम थेट ग्राऊंड झीरोवर पोहचली.... पाहूयात नागपूरकरांना पाण्याचं भीषण वास्तव दाखवणारा आमचे प्रतिनिधी रजत वशिष्ठ यांचा हा खास रिपोर्ट

नागपूरकरांची तहान भागवणारं

हे आहे तोतलाडोह धरण...

पेंचच्या घनदाट जंगलात असलेलं हे धरण 

दरवर्षी याच महिन्यात ९९ टक्के भरलेलं असायचं....

पण यंदा मात्र धरणात फक्त ५० टक्के साठा शिल्लक राहिलाय....

अल निनोचा परिणाम...

पावसानं मारलेली दडी...

त्यामुळे विदर्भातल्या अनेक भागात दुष्काळ जाहीर झालाय...

याचे परिणाम या जलसाठ्यांवरही दिसून येतायत...

या धरणात दिसणाऱ्या वाळूच्या छोट्या छोट्या टेकड्या

खरं तर मार्च एप्रिलमध्ये पाणी कमी झाल्यानंतर दिसायच्या....

पण यंदा ऑक्टोबरमध्येच या टेकड्यांनी डोकं वर काढलंय....

दुसरीकडे ऑक्टोबर हीटच्या तीव्रतेमुळे

नागपूर शहराला दोन दिवस पुरेल एवढ्या पाण्याचं बाष्पीभवन

दर सात ते आठ दिवसात होत असल्यानं

पाणीसाठा तीव्रतेनं कमी होतोय....

त्यामुळे नागपूरकरांना पाण्याचा वापर करताना आता काळजी घ्यावी लागणार आहे....

आणि उरलेल्या ५० टक्के पाणीसाठ्याचं काटेकोर नियोजन करावं लागणार आहे...

यंदा संपूर्ण राज्यावर दुष्काळाचं सावट आहे...

पाऊस ऑगस्ट महिन्यातच गायब झालाय

तोतलाडोहसारखे जलसाठे जे ऑक्टोबर महिन्यात पूर्ण भरलेले असायचे

त्यांच्यात यंदा कमालीची घट दिसून येतेय....