Mumbai Waterlogging Special Report: सालाबादप्रमाणे मुंबईची तुंबई; पालिका कर्मचाऱ्यांची रात्रभर धावपळ

उघड्या मॅन होलचा हा विषय गाजत असतानाच पहिल्याच पावसानं मुंबई पुन्हा तुंबवल्याचंही दिसलं... नेहमी ठिकाणं सालाबादप्रमाणे यंदाही पाण्याखाली गेली... रात्रभरात अनेक ठिकाणी पाणी भरल्यानं महापालिका कर्मचाऱ्यांची धावपळ उडाली... सकाळी-सकाळी महापौर रितू तावडेंनीही रस्त्यावर उतरून परिस्थितीचा आढावा घेतला... मात्र यामुळे महापालिकेचे नालेसफाईचे दावे किती खरे, अशी शंका निर्माण झालीये... 

नेमेची येतो पावसाळा... आणि त्याच नेमानं मुंबईच्या या भागांमध्ये पाणी साचतं... 

राज्यात सरकार कुणाचंही असो... महापालिकेत शिवसेना असो... की प्रशासक... किंवा भाजप... 

रस्त्यात साचलेलं पाणी आणि त्यामुळे होणारे मुंबईकरांचे हाल ही नेहमीचीच बाब... 

यंदाचं वर्षही त्याला अपवाद नाही... 

१५-२० दिवस उशिरानं आलेल्या पहिल्याच पावसानं मुंबईचे सखल भाग पाण्याखाली गेले... 

वर्षानुवर्षं पावसाच्या पाण्याखाली जाणाऱ्या हिंदमाता परिसरात बुधवारीही तेच चित्र होतं... 

परळ स्टेशन परिसरात साचलेल्या पाण्यातून वाट काढत ऑफीस, शाळा गाठण्याची वेळ मुंबईकरांवर आलीच...