Maharashtra Cabinet Meeting : अजेंडा फुटला, पारा चढला; फडणवीसांचा इशारा Special Report

मोदी गुजरातमध्ये १५ वर्ष मुख्यमंत्री होते तर केंद्रात गेली १० वर्ष पंतप्रधान.. या काळात त्यांनी एक गोष्ट कटाक्षाने पाळली ती म्हणजे गुप्ततेला प्राधान्य.. कोणतेही छोटेमोठे सरकारी निर्णय असोत की पक्षाचे निर्णय असोत,  शेवटपर्यंत पत्रकारांना कळतील तर शपथ.. तोच कित्ती फडणवीसांनी महाराष्ट्रात २०१४ नंतर गिरवला... या टर्ममध्ये मात्र तीन पक्षांचं सरकार असल्याने त्यात थोडं लिकेज दिसू लागलं.. मंत्रीमंडळ बैठकीचा अजेंडा लीक झाल्यानं  फडणवीसांनी तात्काळ आपल्या मंत्र्यांना आणि माध्यमांनाही गंभीर इशारा दिलाय. काय आहे प्रकरण पाहुयात हा स्पेशल रिपोर्ट

मंगळवारच्या मंत्रीमंडळ बैठकीत मुख्यमंत्री देवेंद्र फडणवीस मंत्र्यांवर रागावले अशी माहिती आहे..
मंत्रीमंडळ बैठकीच्या आधीच माध्यमांमध्ये अजेंडा छापून येत असल्याने फडणवीसांनी तीव्र नाराजी व्यक्त केली.
संबंधित अधिकाऱ्यावर कारवाई करणार असं स्पष्ट सांगितलं..
थोडक्यात काय तर मंत्रिमंडळ बैठकीचा अजेंडा लिक करणाऱ्यांची खैर नाही असा गंभीर इशाराच मुख्यमंत्र्यांनी दिलाय..
या सगळ्याला कारणही तसंच होतं.. मंगळवारी पार पडलेल्या मंत्रिमंडळ बैठकीमध्ये डान्सबार संदर्भात चर्चा होणार होती. मात्र बैठकीच्या आधीच एबीपी माझानं ही बातमी दाखवली आणि मुख्यमंत्री देवेंद्र फडणवीस संतप्त झाले.. विरोधकांनीही यावरुन आपले हात धुवून घेतले.